فى نقاط..ما يتعلق بكافة عمليات شحن العدادات مسبقة الدفع

ظهر فى الٱونة الاخيرة معلومات خاطئة على مواقع التواصل الاجتماعى والجروبات عن العدادات مسبقة الدفع وانتشرت بشكل كبير .

وحرصا من "عالم الطاقة " على توضيح كافة الإجراءات الصحيحة والمعلومات ايضا تواصلنا مع الدكتور أحمد عبد الدايم مدير إدارة العدادات الذكية ومسبقة الدفع بشركة جنوب القاهرة لتوزيع الكهرباء لتوضيح تلك المفاهيم الخاطئة .

وأوضح عبد الدايم فى تصريحاته ل"عالم الطاقة" ، أن هناك معلومات لا صحة لها على الإطلاق خاصة بعمليات شحن العدادات مسبقة الدفع قائلا :_ مفيش حاجه اسمها متشحنش كارتك غير لما تكون طافى كل حاجه فى شقتك  كلام خطأ ١٠٠ × ١٠٠ ، مؤكدا أن العداد بيقوم بعمليات الخصم من الرصيد بناءا على الشريحة الحالية للمشترك ووفقا لشدة التيار المستخدمة. 

واستطرد ايضا قائلا :_" يوجد بالعداد لمبه اسمها النبضات كل ماتزود فى الاحمال كل ما اللمبه تكون سريعه والمعدل لكل ١٠٠٠ نبضة العداد بيحسب ١ كيلو ، منوها إلى أن  العداد محمل بحدود الشرائح وسعر كل شريحة المعلن عنها وفقا لنوع النشاط المتعاقد عليه المشترك بمعنى كل لما بتستهلك عدد من الكيلو وات ، حيث تلقائيا يتم النقل  على الشريحة اللى بعدها والتى تكون بسعر اعلى من السعر السابق منوها أنه على الرغم ان استهلاك اليومى ممكن تكون مثبتة وعامل لنفسك حد معين قائلا :"_  العبرة انك بتتنقل من شريحة لشريحة وبالتالى المحاسبه بتختلف نتيجة اختلاف السعر فى كل شريحه عشان كده مفيش حاجه اسمها بتثبت على الشريحة طوال الشهر الا اذا كنت على اخر شريحة بتفضل عليها وبمجرد اول يوم فى الشهر الجديد بترجع تانى لاول شريحة وعشان تتاكدوا من صحة كلامى الناس اللى بتنصح وبتقول وانتوا بتشحنوا اقفلوا الانوار احب انا اسألهم ياترى لما عملتوا كده فضلتوا ثابتين على الشريحه الاولى  ولا اتغيرت".

واكد عدم صحة ما يتردد عن عدم قيام اى مواطن بشحن العداد  اخر الشهر لانتهاء  الرصيد بسرعة قائلا :_"  والله غلط والشحن فى اى وقت اول الشهر زى اخر الشهر العبرة كلها حضرتك واقف على اى شريحه" .

ونوه إلى أنه عند قيام اى مواطن لإجراء عملية شحن العداد عليه القيام  بوضع الكارت فى العداد حتى يتمكن من التعرف تلقائيا من وجود اى مشكلة لتقديم المساعدة له .