أول تعليق للكهرباء على نصيحة إغلاق الأجهزة قبل شحن كارت العداد

 شهدت عدة صفحات على موقع التواصل الإجتماعى "فيس بوك" تداول معلومات خاطئة وغير صحيحة عما يتعلق بألية منظومة شحن كارت العداد مسبق الدفع.

وتداول المتابعون لموقع التواصل الإجتماعى "فيس بوك" منشورتضمن ما يآتى:- «لكل حد عنده عداد كارت ياريت ماتشحنشي الكارت غير لما تطفي كل شئ في شقتك معادا لمبتين أو ثلاثه ققط وكذلك اطفي كل شئ "ثلاجه سخان- مكيف" ثم اشحن الكارت وبعدها بساعة او اتنين شغل حاجتك حاجة حاجة بعد ساعة شغل مراوح ساعة ونص شغل ثلاجات ، بحيث ان العداد يحث بحمل خفيف مما ينتج عنه عمله علي شريحة خفيفة طول الشهر

وتضمن البوست الذى احتوى على نصائح غير صحيحة بالمرة ، أنه عند قيام أى مواطن بإتباع ذلك فإن  أجهزة "المكوه - السخان -المراواح" هتفضل طول الشهر علي الشريحة العالية ممكن الرابعة والشريحة الخامسة إلا العداد بينقل عليه بتقعد شهر استهلك قليل استهلك عالي ملهوش فيه مع بداية شحنتك بيحسب الأحمال اللى شغاله أحمال عاليه بيحاولك اتوميتك لشريحة عالية تنويه هام للناس كتير بتشتكي من الكهربة".

توضيحا وردا على تلك المعلومات الخاطئة التى تضمنها البوست ، قال المهندس أحمد عبد الدايم مدير إدارة العدادات مسبقة الدفع بشركة جنوب القاهرة لتوزيع الكهرباء ، إن ما تم تداوله غير صحيح بالمرة ولا حقيقة له إطلاقا  قائلا:- "

لكل الأصدقاء والعاملين بمراكز الشحن ولكافة عملاءالكارت المدفوع مقدما ،ظهر فى الاونة الاخيرة معلومات خاطئة على مواقع التواصل الاجتماعى والجروبات عن العدادات مسبقة الدفع وانتشرت بشكل كبير لذا وجب التنويه وهى على النحو التالى :-"

١_ مفيش حاجه اسمها متشحنش كارتك غير لما تكون طافى كل حاجه فى شقتك كلام خطأ ١٠٠ × ١٠٠ 

العداد بيقوم بعمليات الخصم من الرصيد بناءا على الشريحة الحالية للمشترك ووفقا لشدة التيار المستخدمة. 

٢_ يوجد بالعداد لمبه اسمها النبضات كل ماتزود فى الاحمال كل ما اللمبه تكون سريعه والمعدل لكل ١٠٠٠ نبضة العداد بيحسب ١ كيلوا .

٣_ العداد محمل بحدود الشرائح وسعر كل شريحة المعلن عنها وفقا لنوع النشاط المتعاقد عليه 

المشترك بمعنى كل لما بتستهلك عدد من الكيلو وات تلقائيا بتطلع على الشريحة اللى بعدها وهكذا عشان كده مفيش حاجه اسمها بتثبت على الشريحة طوال الشهر الا اذا كنت على اخر شريحة بتفضل عليها وبمجرد أول يوم فى الشهر الجديد بترجع تانى لأول شريحة. 

٤ _ مفيش حاجه اسمها بلاش تشحن اخر الشهر عشان الرصيد بيخلص بسرعه والله غلط والشحن فى اى وقت اول الشهر زى اخر الشهر العبرة كلها حضرتك واقف على أى شريحه .

٥_ عود نفسك دايما قبل متيجى تشحن وضع الكارت فى العداد حتى نتمكن من التعرف تلقائيا عن وجود اى مشكلة عشان نقدر نساعدك .


رجاءا تأكدوا من المعلومات قبل نشرها والرجوع لكل شركة توزيع للافادة الصحيحة